برجلك اليمين اذا سمحت

اللي داخل من باب المدونة برجله اليمين يخطي اذا سمح

و يبص البصة بحنية

و يبقى حاطط ف باله إن المدونة دي تختلف اوي خالص جدا

حتى اسألوهم كده ..!

**

النهاردة يوم موووختلف تماما

أخيرا قررت اتنازل عن كسلي الموقر والمبجل

و اعمل المدونة اللي كان نفسي فيها

هي مدونة مش بتاعتي لوحدي

احنا تلاتة

و اعتبرونا خمسة عشان العين

**

أنا طبعا واللي مايعرفنيش هتبقى مشكلة في حد ذاتها لنفسيتي يعني

و الجميلة سلسبيل

واللي مايعرفهاش هاطخه بالنار

و الغالية باشمهندسة مروة

و الأخيرة دي لسه ماعملتش كونفرم اساسا عشان ناسية الباسورد بتاع ميلها

و ده طبعا يفهمكم على الرؤية المستقبلية للمدونة دي

يعني اللي عايز ينجو بنفسه ياريت يلحق

**

بصوا بقى عشان نبقى على نور و ميه كمان

المدونة دي خصوصا أنا عملتها لسبب مهم

بالنسبالي يعني

ممكن تسألوا الباقيين عن أسبابهم غير الزن بتاعي يعني

أسبابي

إني مقتنعة إن مدونتي الأساسية لا تحتمل مواضيع كتير عايزة اكتبها

ممكن ساخرة

و لا تهيسية

و لا حتى سياسية لا قدر الله

بمعنى آخر

أنا هنا هاوريكم الوش التاني

و ربنا في عون اللي هيكمل مسيرة القراية

**

الموووووووهم

النهاردة أُعلن بكل فخر مجهول المصدر

إن مدونة متميزة بمشيئة الله هتبدأ

مطرقعة

مجنونة

و عاقلة أحيانا

عشان أنا مقتنعة إن أي انسان لي وجوه كثيرة لشخصيته

و ماعنديش نية أكبت الجزء المجنون اللي عندي

....

كلمة إلى شركائي في تلك الجريمة الشنعاء

سلسبيل

مروة

بجد انتوا عارفين انكم من أعز أصحابي

حاولوا ماتستسلموش ابتشا ابتشااااااااا

و تكملوا الجريمة دي معايا

**

كلمة إلى ضيوفنا

ربنا معااااااااكم

**

و بمناسبة اول بوست

سمعوووووني أعلى زغروطة في الحي اللاتيني

لولولولولولولولولولي

**