الأحد، 21 ديسمبر، 2008

البسيطة بقت معقدة..! (تهييس) <أسماء علي>



لكن تقسى
هؤه يانوئة
ابعد كده
من جمبي
....
.
اللي فوق ده كما هو المعتاد معايا ماتركزوش فيه .. ده بس ل تسخين الطاسة .. وعشان اقلي دماغي بروشنة ..
.

بعد ملاحظات مش قليلة اكتشفت إن كل الأغاني الرومانسية تحولت إلى أغاني ردح على مستوى واسع من ملاية الردح
أو أغاني انهيارات عصبية وبيبو فرقع جيجي ..
وجيجي بتغني أن مسير بيبو هيولع في حمض كبريتيك مركز
.
ولو لقينا أغنية طبيعية وماعندهاش أي خلل معتوهي أو سادي .. بنلاقيها مش بتشتغل غير ف الأفراح
وده بعد دراسة متفحصة وعاملة نفسها متمحصة كمان
و من غير عين العقل اللي اتفقعت ف ظروف آخر هيصة
لاقيت إن المشكلة تكمن ف قوقعة واحدة
.
.
إن الشعب بتاع الأرض بدلووووووووووه
.
العالم الحالية دول جايين من مجرة أخرى لدرجة إنهم مش فاهمين معنى الحب
وفاكرين الحب دي خناقة بشكل رومنطيقي متلهلب ف السلاميات المستسلمة لبوتقة الإنصهار العام
.
.
و كل تبديل ل شعب الأرض وانتوا منبسطين على وجه البسيطة والمعقدة كماااااااان
.

هناك 4 تعليقات:

محمد عتلم يقول...

هاى اسماء
تفتكرى فيه كام واحد من الناس الجداد اللى اتبدلو بالقدام فاهم حاجه فى اى حاجه او حتى بيتكلم من قلبه وبيقول الحقيقه او بيقول اللى هوا حاسه مثلا
ماهو كله كلام X كلام
ملحوظه: حتى الكلام بقى بفلوس . شوفى الدقيقه بقت بكام دلوقتى

gogo يقول...

فعلا بئه في اغاني غريبه اوي وكلماتها تخنق وتبين انها ملهاش لازمه

malika يقول...

مش قلتلك انها دنيا سمك لبن تمر هندي و الدنيا بقت لاخبطيطه خالص ,
حلوه البسيطه بقت معقده و مرحبا بالتهييس

على باب الله يقول...

" اليوم أعلن خبر موت شخص هام جداً في عالم الفن أسمه الجمهور الواعي "

( موسيقار الأجيال محمد عبد الوهاب )